كراميل بمذاق نسلى
عندي ليكم واحد كراميل تيجي غزال وساهل وكيجي بحال كراميل نسلي بلا طياب بلا تمارة
ممكن تستعمليه بدل كراميل نسلي تلصقي بيه صابلي دهني بيه الكيكة ......
المقادير :
(نفس كاس العبار)
كاس حليب غبرة
كاس سنيدة
نصف كاس ماء طايب
1 فاني
في مقلاة تتحمري الحليب غبرة مع فاني مع التحراك حتا يتحمر يولي لونو ذهبي
تحيديه من فوق المقلاة وتزيدي عليه سنيدة والما طايب و طربيه فمولينيكس 2 دقايق
تعمليه فالثلاجة حتا يبرد مزيان وهاهو واجد
نتمنى تجربوه ويعجبكم وشي دعيوات الخير