طورطة بالبقايا د الكيك لي تيشيط لينا
السلام عليكم
اليوم حبيت نحط لكم وصفة ديال طورطة بالبقايا د الكيك لي تيشيط لينا اولا بالكيك لي ماتيصدقش و هادي هي الوصفة بالصور كنتمنى تعجبكم
ملي كيبقى لينا الكيك نحتافظو بيه فالمجمد كل مرة حتى نجمعو كمية مزيانة كناخدوه و نحكوه فالحكاكة من الجهة الغليضة و ندخلوه الفران يتصهد على نار مهيلة غي شوية نخرجوه و نخليوه يبرد
ملي يبرد نعجنوه بالحليب المركز المحلى حتتى نحصلو على عجين متماسك
كناخدو طبسيل نفرشو عليه بلاستيك غذائي و نحطو الاطار لي غادي نمونطيو فيه (انا اختاريتو دائري تقدرو تستعملو الشكل لي بغيتو) نسرحو نصف كمية الخليط و نضغطو بصباعنا ثم نصبو الكريم باتيسيير (كاس كبير حليب+2 م ك بودرة كريم باتيسيير+ 2 م ك سنيدة على نار مهيلة حتى يعقاد) ندخلوها الثلاجة تشد راسها من بعد نخرجوها و نغطيو بطبقة ثانية من الكيك و نقلبو الكيك فطبق التقديم
نزينوها حسب الرغبة انا استعملت لاموس د الفريز و نتوما ليكوم الاختيار
المهم هو الفكرة و حتى حاجة ماضيع
بالصحة و الراحة
اليوم حبيت نحط لكم وصفة ديال طورطة بالبقايا د الكيك لي تيشيط لينا اولا بالكيك لي ماتيصدقش و هادي هي الوصفة بالصور كنتمنى تعجبكم
ملي كيبقى لينا الكيك نحتافظو بيه فالمجمد كل مرة حتى نجمعو كمية مزيانة كناخدوه و نحكوه فالحكاكة من الجهة الغليضة و ندخلوه الفران يتصهد على نار مهيلة غي شوية نخرجوه و نخليوه يبرد
ملي يبرد نعجنوه بالحليب المركز المحلى حتتى نحصلو على عجين متماسك
كناخدو طبسيل نفرشو عليه بلاستيك غذائي و نحطو الاطار لي غادي نمونطيو فيه (انا اختاريتو دائري تقدرو تستعملو الشكل لي بغيتو) نسرحو نصف كمية الخليط و نضغطو بصباعنا ثم نصبو الكريم باتيسيير (كاس كبير حليب+2 م ك بودرة كريم باتيسيير+ 2 م ك سنيدة على نار مهيلة حتى يعقاد) ندخلوها الثلاجة تشد راسها من بعد نخرجوها و نغطيو بطبقة ثانية من الكيك و نقلبو الكيك فطبق التقديم
نزينوها حسب الرغبة انا استعملت لاموس د الفريز و نتوما ليكوم الاختيار
المهم هو الفكرة و حتى حاجة ماضيع
بالصحة و الراحة
